Mapanglaw ang mga Ilaw sa Calabarzon
Mapanglaw ang mga Ilaw sa Calabarzon
ni: Pedro L. Ricarte
May bakas pa sa tubig ng mga pinitak
Ang mga huling silahis ng nakalubog
nang araw
Hindi na sana siya nag-araro pa,
Hindi rin lamang tiyak na matatamnan
Ang lupang itong ipinagbibili ng mga
dayuhan.
Ang balita ko'y bilyon ang ibabayad,
At may makakaparti raw siyang
sandaang libo.
Nasisiyahan na siya. Siya nama’y
kasama lamang.
Sobra pa marahil sa kanya ang
tatanggaping pera.
Balo na siya, walang anak, walang
bisyo.
Sang-ilan pa ba ang kanyang buhay?
Pero dito na siya tumanda, sa lupang
itong
Sinaka pa ng kanyang ama at ng mga
magulang niyon.
Tumanaw siya sa gawing silangan:
Kaylawak ng lupaing itong
pinagyayaman
Ng marami pang katulad niya
Ngunit ipinagbibili na ng mga
may-ari.
May mga bukid na nasimulan nang
tambakan,
Pero umaagos pa sa mga padaluyan
Ang patubig ng gobyerno.
Wala siyang namumuwangan sa
kabuhayang-bansa;
Hindi niya kayang gagapon kung bakit
at papaano —
Nadarama lamang niya ----- ang malaking
panghihinayang,
Pangungulila sa pagkawala ng mga
berdeng lupain
Na kaygandang pagmasdan, kay timyas
bungkalin!
PAGSUSURI
·
I. PAGKILALA SA MAY AKDA
Si Pedro L Ricarte ay
isang kwentista, mananaysay, mandudula, manunuri at makata. Kasalukuyan isang
freelance writer, siya ay nabilang sa patnugutan ng Liwayway sa loob ng sampung
taon. Ang kanyang kaalaman sa pagsusulat ay kanyang naibahagi sa mga mag-aaral
ng LCBA Graduate School sa Calamba, De la Salle University-Manila, Don
Bosco at ibang University.
Si
Pedro Ricarte ang nagsabi kay Alejandro Abadilla na siya ang “Ama ng MakabagongTulang
Tagalog”.
Si Ricarte ay isa sa mga mayroong
pinakamatatalas na pag-iisip kaya masasabi din na siya ay isang kritiko ng ibang
mga Pilipinong manunula.
Naging kilala si Pedro
Ricarte noong 1950-1960’s.
Ang ilan sa kanyang mga naisulat ay:
- Boy Nicolas
- Siyam na Langit (1962)
- Samahang Siyete
- Aawitan kita
- Ala-Suwerte (1959)
- Hindi Natutulog ang Diyos (1960-1961)
- Lagablab sa Silangan (1961)at iba pang mga maikling istorya at nobela.
II. KAYARIAN NG TULA
Ito ay Tulang Pasalaysay.
Ito ay Tulang Pasalaysay.
III. SANGKAP NG TULA
A. Talinghaga (Tayutay)
"Sang-ilan pa ba ang kanyang buhay?" (Tanong Retorikal)
"Sang-ilan pa ba ang kanyang buhay?" (Tanong Retorikal)
B. Persona
Ang persona ay ang taong nagsasalita sa tula. Maaring lumikha ng iba't ibang persona ang makata sa loob ng isang tula. Sa tulang ito, ang persona ay isang magsasaka na labis na nanghihinayang sa kanyang lupang sakahan.
C. Tugma
Isa sa mga katangian ng tradisyunal na pagsulat ng tula --- ang pagkakaroon ng tugma. Sa tulang ito gumamit ng Malayang Taludturan ang may Akda sapagkat hindi isinaalangalang ang tugma sa bawat taludtod.
D. Sukat
Malaking bahagi ng ritmo ang sukat, ito ay bahagi ng kalikasan at ng buhay. Sa tulang ito, ang may Akda ay gumamit ng Malayang Taludturan walang sinunod na sukat. Ang pagsulat sa malayang taludturan ay pagtatalima sa ritmo ng tiyak na paksa kaysa sa itinakdang sukat at tugma sa pagsulat ng tula.
E. Imahen
Ito ay hindi lamang larawan sa loob ng isang tula kundi ito ay anumang pandamang pisikal.
Pangungulila sa pagkawala ng mga berdeng lupain - dito ay ipinapahiwatig ang nararamdamang kalungkutan ng magsasaka dahil sa pagkawala ng ng lupang sakahan na maraming punong nakatanim na ngayon ay nagiging daluyan na ng patubig ng gobyerno o mga pabrika.
F. Tono
Ang tono ang nagpapakita ng emosyon o damdamin ng persona ng tula. Sa tulang ito, may tono ito ng pagkatuwa kasabay ng panghihinayang. Pagkatuwa na mayroon siyang matatanggap na isangdaang piso, at panghihinayang naman para sa pagkawala ng lupang sakahan.
IV. TEORYANG PAMPANITIKAN
Ang tulang "Mapanglaw ang mga Ilaw sa CALABARZON" na isinulat ni Pedro L. Ricarte ay may Teoryang Eksistensyalismo, dahil ipinapakita dito ang kalayaan ng tao na magdesisyon para sa kanyang sarili.
Comments
Post a Comment